ކޮތަޅުބޮނޑިން ދެ ރުފިޔާގެ ފީ ނެގުން ހުއްޓައިލާ ގޮތަށް މަޖިލީހުން ބިލު ފާސްކޮށްފި
އެ ބިލު ހުށަހެޅުއްވީ އުނގޫފާރު ދާއިރާގެ މެންބަރު އިބްރާހީމް ޝިފާޒެވެ. ބިލު ދިރާސާކުރީ އެންވަޔަރަންމަންޓް އެންޑް ކްލައިމެޓް ޗޭންޖް ކޮމިޓީންނެވެ. އެ ކޮމިޓީން ބިލު ނިންމައި މުޅި މަޖިލީހުގެ ކޮމިޓީ މަރުޙަލާގައި 65 މެންބަރުންގެ ތާއީދާ އެކު އޮގަސްޓް 12 ވަނަ ދުވަހު ފާސްކޮށްފައިވެއެވެ.
ޕްލާސްޓިކު ކޮތަޅުތަކެއް-- ފޮޓޯ/ ވޮއިސް
ހަބަރު
އެއް ބިލަކާ ގުޅޭ ގޮތުން ގިނަ ޕެޓިޝަން ހުށަހެޅޭ ގޮތަށް ޤަވާޢިދު އިސްލާޙުކުރުމަށް ފާސްކޮށްފި
ޤަވާޢިދުގެ 1-257 ވަނަ މާއްދާގެ )ޅ( އުނިކުރުމަށް މި އިސްލާޙު ހުށަހެޅުއްވީ ފުނަދޫ ދާއިރާގެ މެންބަރު މުޙައްމަދު މަމްދޫޙެވެ. އެ ހުށަހެޅުން ދިރާސާކުރުމަށް ފޮނުވީ އާންމު ކޮމިޓީއަށެވެ. ކޮމިޓީން މި ބަދަލު ގެނައުމަށް ރުހުން ދީފައިވަނީ ހާޒިރުވި މެންބަރުންގެ ތެރެއިން ހަތް މެންބަރުންގެ ވޯޓުންނެވެ.
ފްރެންޑް 4 ދޯނިން ގެއްލުނު ތިން މީހުން ކަނޑުމަތިން ފެނުމުގެ އުންމީދު ކުޑަވެއްޖެ
މިމަހުގެ ފަސް ވަނަ ދުވަހުގެ ދަންވަރު ކުޑަލަފަރީގެ އިރުއުތުރުން 4.1 ނޯޓިކަލް މޭލު ބޭރުން އެ ދޯނި ކުއްލި ގޮތަކަށް ބަންޑުން ޖަހައިލައި ހުވަދޫ ކަނޑަށް އަޑިއަށް ދިޔައީ ސިފައިންގެ ލޭންޑިންގ ކްރާފްޓަކާއި ފުލުހުންގެ ލޯންޗަކާއި އެމްއެންޑީއެފް ލޯންޗެއް ވެސް ވަރަށް ކައިރީގައި އޮއްވައެވެ. ދޯނިން ފުންމައިލި މީހުންނާއި ބަންޑުން ޖަހައިލި ވަގުތު ނިކުމެވުނު މީހުން ވަގުތުން ސަލާމަތްކުރެވުނު ނަމަވެސް ރެސްކިޔު އޮޕަރޭޝަނުގައި ހަރަކާތްތެރިވި ސިފައިންގެ މީހަކާއި ފުލުހަކާއި ދޯނީގެ ކެޕްޓަން ވަނީ ގެއްލިފައެވެ.
އޭދަފުށީގައި ސޯލާ ހަކަތައިގެ ނިޒާމެއް ވަޒީރު ޢަލީ ޝަރީފު އިފްތިތާޙުކޮށްދެއްވައިފި
މި މަސައްކަތް ހިންގާފައިވަނީ އެކްސެލެރޭޓިންގ ރިނިޔުބަލް އެނަރޖީ އިންޓަގްރޭޝަން އެންޑް ސަސްޓެއިނަބަލް އެނަރޖީ )އެރައިސް( މަޝްރޫޢުގެ ތެރެއިން ސްޓޭޓް އިލެކްޓްރިކް ކޮމްޕެނީ ލިމިޓެޑް )ސްޓެލްކޯ( މެދުވެރިކޮށެވެ. ޖުމްލަ 56 މިލިއަން ރުފިޔާގެ މި އިންވެސްޓްމަންޓުގައި ބިމުގައި ހަރުކުރި ސޯލާ ޕެނަލްތަކުގެ އިތުރުން 1.5 މެގަވޮޓު އަވަރގެ ބެޓެރީ ސްޓޯރޭޖް ކެޕޭސިޓީ އާއި ޒަމާނީ އެނަރޖީ މެނޭޖުމަންޓް ސިސްޓަމެއް ހިމެނެއެވެ.
އިންކުލޫސިވް ތަޢުލީމަށް ހުރިހާ މުދައްރިސުން ތައްޔާރަށް ތިބެންޖެހޭ ކަމަށް ވަޒީރު ވިދާޅުވެއްޖެ
ވަޒީރު މިހެން ވިދާޅުވީ ސްކޫލުތަކުގެ ހުރިހާ ފެންވަރެއްގެ މުވައްޒަފުން އިންކުލޫސިވް ޕެޑަގޮޖީއަށް ތަމްރީނުކުރުމަށް ފެށި "އެޑިޔުކޭޓަރ ޕްރޮފެޝަނަލް ޑިވެލޮޕްމަންޓް ޕްރޮގްރާމް ފޯ އިކުއުޓީ އެންޑް އިންކްލޫޝަން" އިފްތިތާހުކުރުމުގެ ރަސްމިއްޔާތުގައެވެ. މި ޕްރޮގްރާމްގެ ދަށުން އީ ލާނިން ހަތް މޮޑިއުލެއް ފަރުމާކޮށް އެދުރު ޕޯޓަލް މެދުވެރިކޮށް ސްކޫލުތަކަށް ހުޅުވައިލައިފައިވެއެވެ.
ރިޕޯޓް
ރާއްޖޭގައި ބޭބީ ފޯމިއުލާގެ އަގު ބޮޑުވުން؛ އާއިލާތަކަށް ކުރިމަތިވެފައިވާ ބޮޑު ގޮންޖެހުމެއް
ދުނިޔޭގެ ބާޒާރުގައި ތަކެތީގެ އަގު ބޮޑުވުމާއި، ތަކެތި އެތެރެކުރުމަށް ހިނގާ ޚަރަދުތައް އިތުރުވުމުގެ ސަބަބުން، ދިވެހިރާއްޖެއަށް އެތެރެކުރާ އެކި ބްރޭންޑްތަކުގެ ކުޑަކުދިންގެ ކިރުގެ އަގު ވަނީ ފާއިތުވި ދުވަސްތަކުގައި މަތިވެފައެވެ.
ދަރިވަރުންނާއި މުދައްރިސުންގެ މެދުގައި އޮންނަ މުއާސަލާތީ ގުޅުމުގެ މުހިންމުކަން
ތައުލީމީ މާހިރުންގެ ދިރާސާތަކުން ސާބިތުވާ ގޮތުގައި، މުދައްރިސުންނާ ފަސޭހަކަމާއެކު ވާހަކަދައްކާ، ސުވާލުކުރުމުގެ ފުރުސަތު ލިބޭ ދަރިވަރުންގެ ފިލާވަޅުތައް ދެނެގަތުމުގެ ގާބިލުކަން އިތުރުވެއެވެ. މިފަދަ މުއާސަލާތީ މާހައުލެއްގެ ސަބަބުން ދަރިވަރުންނަށް އޮޅުންއަރާ ކަންކަން ވަގުތުން ސާފުކުރުމަށް މަގުފަހިވާތީ، އުނގެނުމުގެ މަރުހަލާ އަވަސްވެ، ދަރިވަރުންގެ ތައުލީމީ ފެންވަރު މަތިވާކަން ތަފާސްހިސާބުތަކުން ހާމަވެއެވެ.
އިސްރަށްވެހީންގެ ދުވަހެއް ފާހަގަކުރަން ޖެހެނީ ކީއްވެ؟
ބައިނަލްއަޤްވާމީ އިސްރަށްވެހިންގެ ދުވަހުގެ މިއަހަރުގެ ޝިޢާރަކީ "ރަށު ފެންވަރުގައާއި ދުނިޔޭގެ ފެންވަރުގައި އިސްރަށްވެހިންގެ ހަރަކާތްތައް ކުރިއަށް ގެންދިއުން؛ އިސްރަށްވެހިންގެ އުންމީދުތައް، ދުޅަހެޔޮކަން، ޙައްޤުތައް" އެވެ.
ޝަހީދު ޙުސައިން ޢާދަމް- ނަމޫނާ ދިވެހި ދަރިއެއް
އެ ބަޠަލަކަށް މުޅި ދިވެހިރާއްޖެ ފަޚްރުވެރިވާ، ހދ. ކުޅުދުއްފުށީ މާވާގެ ކޯޕްރަލް ޙުސައިން ޢާދަމްގެ ނަމަކީ ދިވެހިރާއްޖެ ދެމިއޮތްހާ ހިނދަކު، ދިވެހިންގެ ހިތްތަކުން ފިލައިގެންދާނޭ ނަމެއް ނޫނެވެ. އެ ހަށިގަނޑުން ދިވެހި ފަސްގަނޑަށް އޮހޮރިގެންދިޔަ ޤުރުބާނީގެ ލެޔަކީ މި ދިވެހި ފަސްގަނޑުން ފޮހެވިގެންދާނެ ލެޔެއް ނޫނެވެ. އެ ގުރުބާނީގެ ވާހަކަތަކަކީ ހަމަ ޔަގީނުން ވެސް ހަނދާނުން ފުހެވިގެންދާނެ ވާހަކަތަކެއް ނޫނެވެ. އެކުރެއްވި ހިތްވަރަކީ، ސިފަވަންތަ ޖެހިލުންކުޑަ، މާތް ހިތްވަރެކެވެ. އެ ވެދެއްވި ގުރުބާނީއަކީ މުޅި ދީބު ދާއިމަށް ޝުކުރުވެރި ވާންޖެހޭފަދަ، މަތިވެރި ގުރުބާނީއެކެވެ. 1988 ނޮވެމްބަރ 3 ގައި މި ޤައުމަށް ކުރިމަތިވި އުދުވާނީ ހަމަލާގައި، މިލޮބުވެތި ވަޠަން ދިފާޢުކުރުމަށްޓަކައި އެންމެ ފާހަގަ ކޮށްލެވޭ ޖިހާދެއް ކުރެއްވީ، އެއްވެސް ޝައްކެއްނެތް ގޮތުގައި ކޯޕްރަލް ޙުސައިން ޢާދަމެވެ. މިއީ ހިތްވަރާއި، ހިންމަތާއި، ތެދުވެރިކަމާއި، ގައުމީ ލޯބީގެ ލާމަސީލު ނަމޫނާއެކެވެ.
ކުޅިވަރު
އަންނަ ސީޒަނަށް ފަހު ފުޓްބޯޅައިން ރިޓަޔާކުރާނެ ކަމަށް ރޮނާލްޑޯ ބުނެފި
އުމުރުން 41 އަހަރުގެ ފޯވަޑް ހާމަކުރި ގޮތުގައި ފުޓްބޯޅައިގެ ކެރިއަރު ނިންމައިލުމަށް ފަހު ކުރާނެ ކަންކަން މިހާރު ވަނީ ރާވައިފައެވެ. ކުޅުން ހުއްޓައިލުމާ އެކު ބޮޑު ހުސްކަމެއް އަންނާނެ ކަން ފާހަގަކޮށް ދަތުރުކުރުމާއި ތަފާތު ކަންކަމުގައި މަޝްޣޫލުވެ އުޅުމާއި ޕެޑަލް ކުޅުން ފަދަ ޙަރަކާތްތަކުން އެ ހުސްކަން ފޫބައްދާނެ ކަމަށް ރޮނާލްޑޯ ބުނެފައިވެއެވެ.
ރެއާލް މެޑްރިޑްގެ ތަރިން މޮރީނިއޯގެ ކޯޗުކަމާ މެދު ހިތްހަމަޖެހުން ފާޅުކޮށްފި
ޕޯޗުގަލްގެ ބެންފީކާގައި ހުއްޓައި ރެއާލުން ސޮއި ހޯދި މޮރީނިއޯއަކީ ޗެލްސީ އިންޓަމިލާން ޕޯޓޯ އަދި ކުރިން ރެއާލްގައި ވެސް ކާމިޔާބީ ހާސިލުކޮށްފައިވާ ކޯޗެކެވެ. ޗެމްޕިއަންސް ލީގު ގްރޫޕް ސްޓޭޖުގެ ފަހު މެޗުގައި ބެންފީކާ ގޮވައިގެން ރެއާލް ބަލިކޮށް ދެ ވަނަ ބުރަށް ދަތުރުކުރި ހަނދާން އައު އިރު އެ ކާމިޔާބީގެ ޒާތީ ތަޖުރިބާ ހުރި ކޯޗެއްގެ ގޮތުގައި ކުޅުންތެރިން މޮރީނިއޯ ސިފަކުރެއެވެ.
ބެޒޯސްގެ ހިއްސާ އޮންނަ 1982 ހޯލްޑިންގްސް އިން ލިވަޕޫލްގެ ހިއްސާ ގަނެފި
ދުނިޔޭގެ ހަތަރުވަނައަށް އެންމެ މުއްސަނދި މީހާގެ ގޮތުގައި ފާހަގަކުރެވޭ ބެޒޯސްގެ އިތުރުން 1982 ހޯލްޑިންގްސްގެ ޕާޓްނަރުންގެ ތެރޭގައި ހިމެނެނީ އިންޑިއާ ދަރިކޮޅުގެ އިނގިރޭސި މިލިއަނަރ އަމިތް ބަޓިއާ އާއި ފޭސްބުކްގެ ކޯ ފައުންޑާ އެޑުއާޑޯ ސަވެރިންއެވެ. ފެންވޭ ސްޕޯޓްސް ގްރޫޕުން ނެރުނު ބަޔާނުގައި ބުނެފައިވާ ގޮތުން އެ ކުންފުނީގެ ހިއްސާ 1982 ހޯލްޑިންގްސް އަށް ވިއްކައިލުމުގެ މަސައްކަތް މިހާރު ކުރިއަށް އެބަ ދެއެވެ.
ބާސެލޯނާގެ އަރައުހޯ ލޯނު އެއްބަސްވުމެއްގެ ދަށުން ލިވަޕޫލާ ގުޅިއްޖެ
އުމުރުން 27 އަހަރުގެ އަރައުހޯ ލިވަޕޫލާ ގުޅިފައިވަނީ މި ފެށޭ ސީޒަނުގެ ނިޔަލަށް ލޯނު އެއްބަސްވުމެއްގެ ދަށުންނެވެ. މި އެއްބަސްވުމުގައި ލިވަޕޫލުން ބޭނުންވެއްޖެ ހާލަތެއްގައި ދާއިމީ ކޮންޓްރެކްޓެއް ހެދެވޭނެ ގޮތަށް ޝަރުތެއް ވެސް ހިމަނާފައިވެއެވެ. ލިވަޕޫލުން ފަހަތް ވަރުގަދަ ކުރުމަށް މި ފިޔަވަޅު އެޅީ އެ ޓީމުގެ ޑިފެންޑަރު ފްރާންސްގެ އިބްރާހިމާ ކޮނާޓޭ ރެއާލް މެޑްރިޑަށް ދިއުމާ ގުޅިގެންނެވެ.
ތަފްސީލް ރިޕޯޓް
ފުން ތަޙުލީލީ ލިޔުންތައް.
ޓޫރިޒަމް ކުލި ނުދައްކާ ފަރާތްތަކާ ދެކޮޅަށް ސަރުކާރުން ފިޔަވަޅު އަޅަން ނިންމައިފި
ޓޫރިޒަމާ ބެހޭ ވުޒާރާއިން ބުނެފައިވާ ގޮތުގައި މި ފިޔަވަޅުތައް އެޅުމުގައި ޢަމަލުކުރާނީ ދިވެހިރާއްޖޭގެ ޓޫރިޒަމާ ބެހޭ ޤާނޫނު )ޤާނޫނު ނަންބަރު 2/99( އާއި އެ ޤާނޫނުގެ ދަށުން އެކުލަވާލައިފައިވާ ގަވާއިދުތަކާ އެއްގޮތަށެވެ. އެހެން ނަމަވެސް ސީދާ ކޮން ފިޔަވަޅެއް އެޅުމަށް ރާވާފައިވާ ކަމެއް އެ ވުޒާރާއިން ހާމަކޮށްފައެއް ނުވެއެވެ.
ގެއްލުނު ތިން މީހުން ހޯދުމަށް އެމެރިކާ ނޭވީގެ ބޯޓެއް ހުވަދޫ ކަނޑުގައި ހަރަކާތްތެރިވާން ފަށައިފި
ފްލައިޓްރާޑާ އެޕުން ދައްކާ ގޮތުގައި ބޮއިން ޕީ 8އޭ ޕޮސައިޑަން މެރިޓައިމް ޕެޓްރޯލް އެއާކްރާފްޓެއް ދޯނި އަޑިއަށް ދިޔަ ސަރަހައްދުގެ މަތީގައި 1500 ފޫޓުގެ އުސްމިނެއްގައި މިއަދު ދަތުރުކޮށްފައިވެއެވެ. ރައީސް އޮފީހުގެ އިސް ތަރުޖަމާން މުޙައްމަދު ޙުސައިން ޝަރީފް )މުންދު( ވިދާޅުވި ގޮތުގައި ގެއްލުނު ފަރާތްތައް ހޯދުމަށް ފޮރިން މިނިސްޓްރީ އާއި އެމްއެންޑީއެފް ގުޅިގެން އެމެރިކާގެ އެހީ ހޯދަމުން އަންނަ ކަމަށެވެ.